اليوم هنتكلم عن تغيرات مرحلة البلوغ وماذا يحدث فى الأعضاء التناسلية وإزاى أقدر اعتنى بالمنطقة وإيه الخلل اللى ممكن يحصل فيها.

مرحلة البلوغ بيحصل فيها انتظام لإفراز الهرمونات من الغده النخامية فى المخ وهى الإشارات التى ترسل للمبايض عشان تبتدى تقوم بدورها فى إفراز الهرمونات الأنثويه (الاستروجين والبروجيسترون).

وقت البلوغ نفسه مش معلوم ولكن هناك عوامل كتير تحدد متى سيحدث البلوغ منها الحالة الغذائية والصحة الجسمانية والنفسية للجسم والتعرض للضوء عشان كدا المضيفات بيكون عندها اضطرابات فى الدورة الشهرية!!

طيب ماهى التغيرات التى تحدث؟؟

أولا زيادة فى الجسم وزياده النمو

ثانيا نمو الثدى

ثالثا نمو شعر العانة ونمو شعر الإبطين

رابعا نمو الأعضاء الداخلية مثل المبايض والرحم والمهبل

خامسا نمو الأعضاء التناسلية الخارجية

سادسا وآخر شيء بيحدث هو نزول الدورة الشهرية التى تعتبر العلامة المؤكدة لحدوث البلوغ الأعضاء الخارجية والمهبل يهمنى إنى أوضح بعض النقاط التى تهمنى للمقالات القادمة:

بالنسبه للأعضاء التناسلية الخارجية يحدث تجمع للدهون فى الشفتين الخارجتين وتكون أكثر بروزا، ويحدث أيضاً اكتمال نمو البظر ويكون مستجيب فى هذه المرحله لمثيرات الانتصاب.

قبل البلوغ المهبل مش بيكون وصل للحجم النهائى له لكن مع التطور والبلوغ المهبل بيوصل للحجم النهائى ويزيد فى الطول ويبدأ الظهور للتجاويف المهبلية التى تحيط بعنق الرحم ويبدا ظهور الثنايات المهبلية كمان بيزيد فى سمك جدار المهبل وبيتكون من خلايا مليانه جليكوجين؟ اللى هو عباره عن ايه؟

 

عبارة عن غذاء لبكتريا نافعه اسمها lactobacilliلاكتوباسيلاى بتسكن فى المهبل وظيفتها أنها تفضل محافظة على الحمضية المهبلية لتكون خط الدفاع الأول ضد أى بكتيريا أو فطر أو ميكروب يهاجم المهبل.

كل دى تغيرات تحدث لكى تكون البنوتة جاهزة لحدوث العلاقة الحميمة وكمان جاهزة للإنجاب.

 

النصيحة

أولا لازم تكوني عارفة كويس إن هذه التغيرات حاجه طبيعية وفاهماها قبل حدوثها مش بعد ماتتفاجئي بيها

ثانيا المنطقة دى ليها تعامل خاص لازم تبعد عن أى رطوبه زيادة عشان متكونش فرصه لهجوم الفطريات

 

ثالثا البكتريا النافعة الموجودة للمحافظة على حمضية المهبل يجب الحفاظ على وجودها ومفيش داعى أبدا لاستخدام غسولات من غير داعى طبى وبدون وعى لأن التصرفات دى بتؤدى إلى قتلها وأخلى البكتريا الضارة هى اللى تهاجم المنطقة وبالتالى تبقى عرضه للالتهابات المتكررة وعلى المدى البعيد تعمل تغيير فى البنية التحتية لجدار المهبل.

ثالثا ممنوع لبس ملابس ضيقة زيادة عن اللزوم

رابعا ممنوع لبس ملابس داخلية غير قطنية

خامسا ممنوع استخدام أى صابون أو معطرات فى هذه المنطقة

سادسا الأهم من كل ده إنها مش تستخدم أى حاجة غير بعد استشارة الاستشارية

وحدوث التهابات متكررة فى هذه المنطقة الحساسة غالبا بيكون راجع لسبب من الأسباب السابقة.

 

دمتم فى صحة وسعادة وانتظروا مقالا جديدا

 

استشارى أمراض النساء والتوليد والحقن المجهرى والإخصاب المساعد بقصر العينى جامعة القاهرة الدبلومة الأمريكية للتجميل النسائي