احتفلت أسما شريف منير، باقتراب عودة المدارس، مشيرة إلى أن ابنتها ستكون فى الصف الثالث الابتدائي.

وعلقت أسما شريف منير على صور نشرتها عبر حسابها بموقع تبادل الصور والفيديدوهات العالمي "إنستجرام": "صورة كل سنة، روحي و حياتي بقت في ٣ إبتدائي…يا رب عقبال الجامعة و الشغل، لو ربنا ادانا العمر هنتصور الصورة دي في اول يوم شغل، احنا اللي اتنين بنحبك و فخورين انك بنتنا، لما تكبري و تفهمي انا و ابوكي عملنا ايه عشان تطلعي إلا حد كبير سوية و مستقرة نفسيًا، انتي كمان هتكوني فخورة بينا، ربنا يخليك ليها، لأنك اب عظيم بجد دي حقيقة، لارا محظوظة انك ببها، يا رب نفضل علي هذا القدر من التفاهم عشان لارا لحد ما نجوزها".

 

 

 

 

View this post on Instagram

 

 

 

 

 

 

 

 

 

 

 

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

وفي وقت سابق، وجهت أسما شريف منير رسالة شكر لكل من يحبها ويهمه مصلحتها من متابعيها، مشيره إلي أنه تستفيد من النصايح التي يوجها الجمهور لها، وبتتعلم منهم وبتتطور معهم.

ونشرت صورة لها عبر "إنستجرام"، ظهرت خلالها ضاحكة، وعلقت قائلة: "بشكر الناس الذوق اللي بتحبني بجد و فهماني و متابعني و يهمها مصلحتي و بتخاف عليا، زي ما بفيدكم انتوا بتفدوني بتعلم منكم و بتطور معاكم".

وتابعت أسما شريف منير: "وأحب اقول لكل الناس اللي بتدخل في الواحد بشكل عنيف لو عرفتوني كويس هتعرفوا اني بتقبل النصيحة، لانها في الاخر في مصلحتي، فا بدل ما تغلطوا او تصدروا احكام جربوا تقولوا نصيحة بشكل لطيف الاول مش يمكن تبقوا سبب في حاجة ايجابية حتي بدل ما تغلطوا انتوا كمان".

وأضافت أسما: "كلنا بنغلط محدش فينا ملاك فا لو كل واحد اولاً اشتغل علي عيوبه و بعدين نصح اللي جنبه بشكل في ذوق و احترام حتي لو اللي قدامه غلطان اكيد الكل هنكسب كلنا، فكر قبل ما تهاجم حد، هتقبل الطريقة دي لو حد عملها معاك، طب هو انا اصلاً بنصح و لا انا بس بكّسر اللي قدامي!!، في ناس كانت بتهاجمني من الناحية الدينيه رغم انهم شتمني طب هل ده دينياً تمام؟، ولا كان احسن انك تنصح حد بشكل هادي محترم عشان حتي اكسب ثواب؟".

 
أختتت أسما شريف منير: "طب اللي اتكلم من الناحية الاخلاقية لما تعمل شير و تبهدل حد و تنتقده حتي لو غلطان! كده انت غيرت حاجة للاحسن! و لا خليت ناس اكتر تتجر انها تدخل في المناقشة و تغلط!؟، بجد لو كل واحد ما كبرش و سمعنا بعض و صلحنا من حال بعض و عرفنا اننا كلنا بشر ممكن نغلط و مكسرناش بعض اكيد حلنا هيكون احسن، عموماً كل يوم بنتعلم حاجة جديدة نستفيد منها، الغلط جزء من رحلتنا عشان نتعلم الصح".