أعرب المطرب محمد شاهين، عن غضبه مما مطرب المهرجانات حمو بيكا، بسبب الأزمة المتعلقة بأغنية "قلبي شايل وجع"، التي تم طرحها اليوم.

وكتب شاهين، منشورا على صفحته بموقع "فيسبوك" قال فيه: "أنا مش بتاع لايف واتكلم بشكل رخيص، على موضوع مهرجان مع حمو بيكا، بس اللي عمله اسمه غدر، وقلة قيمة.. من فترة كلمني حمو بيكا في التليفون فروحت له، وسجلنا تراك، وبعديها بفترة لقيت بوستر نازل عند واحد من الناس اللي بيصمموا البوسترات من غير ماعرف".

وأضاف: "كلمت حمو بيكا قولتله إزاي؟ قالي أنا هنزل في العيد 6 أغاني، فبكلمه في حقوق الأغنية وأقل حاجة حقي، فيرد يقولي أنا هاخد الحقوق كلها، على أساس أن النجم المحترم هيعرفني بالناس، على أساس أن النجم المحترم، أنا شغال عنده، فرديت قولتله الكلام ده مش هينفع وقفلت معاه".

وتابع: "بعديها بعت لي مصمم البوستر، وقالي إن الأغنية مش هتنزل، لكن اتفاجئت النهاردة بنزولها دون علمي، وعموما أنا هعرف أجيب حقي كويس بالقانون".

وأثار البوست غضب متابعي محمد شاهين عبر فيسبوك، حيث علقت الفنانة رنا سماحة على المنشور ساخرة: "في حد يغني مع حد اسمه بيكا يا صاحبي".