كشفت الفنانة شيرين رضا عن المشهد الأخير في فيلم "قمر 14" الذي يحتوي على قبلة بينها وبين الفنان خالد النبوي وعن تلك المشاهد التي عادت مرة آخرى للسينما،و قالت "في فترة الثمانينات  في أفلام المقاولات كلنا نفرنا من الموضوع ده فبطلنا خالص ما احنا يا عندنا أبيض يا أسود فبطلنا خالص ". 

وأضافت خلال حوارها مع الإعلامية لميس الحديدي في برنامج "كلمة أخيرة" عبر قناة ON: "الحاجة لو متوظفة صح هتبقى مظبوطة إذا كانت بقى خاتم ولا ولا جزمة ولا قميص ولا بوسة ولا حضن لازم تتوظف علشان متبقاش منفرة". 

وطرحت عليها "الحديدي"سؤال "يعني انتي مش ضد ده لأن فيه فنانين بتقول لا أنا ما قربش من واحدة ست" فردت "طب ليه يشتغلوا في الفن ما يشتغلوا في الراديو مابيمسكوش حد وفيه ممثلين بتوع راديو بس". 

وبسؤالها عن عن رأيها في مصطلح السينما النظيفة الذي ظهر في فترة من الفترات قالت "مصطلح وحش بيشتمنا كلنا يعنى يبقى قصدك أي حاجة غير السينما دي يبقى إيه؟ احنا مبتذلين ولا احنا سمعتنا وحشة لا.. وسينما نظيفة دي شتيمة". 

يذكر أن فيلم  عرض ضمن فعاليات مهرجان الجونة السينمائي، في دورته الخامسة بحضورعدد من أبطال وصناع الفيلم أبرزهم  أحمد الفيشاوي، ياسمين رئيس ورزجها المخرج هادي الباجوري، و أحمد مالك، وخالد أنور، ومي الغيطي. 

"قمر 14"  بطولة خالد النبوي، شيرين رضا، أحمد الفيشاوي، ياسمين رئيس، سلوى محمد علي، محمد علاء، أحمد مالك، بيومي فؤاد، مي الغيطي، نيرة عارف، أحمد حاتم، أسماء أبواليزيد، محمد جمعة، أحمد بدير، إسماعيل شرف، حنان يوسف، محمد مهران، خالد أنور، غادة عادل، سليم سليمان، وقصة وسيناريو وحوار محمود زهران، إخراج هادي الباجوري.

وتدور أحداثه  في إطار اجتماعي رومانسي حول ليلة يكون فيها القمر بدرًا، وهو ما يؤثر في مسار عدد من الشخصيات داخل الفيلم وتتلخص أحداثه في 7 ساعات فقط لحين اختفاء القمر.